ඔන්න අපේ අළුත්ම විශේෂාංගය.. හරස් පාර අරගෙන මම ආවා. මේ කොළඹ හරස්
වීදි ගැන කථා කරන විශේෂාංගයක්. මේකෙදි වෙන්නේ, කොළඹ තියෙන හරස් වීදි ගැන කථා කරලා
ඒවා ප්‍රසිද්ධ මොන මොන භාණ්ඩ අලෙවිය සඳහා ද කියලා කියන එක. කොටුව ස්ටේෂන් එක
පැත්තෙ ඉඳන් පටන් ගමු . ඒ කියන්නේ මුල ඉඳලා. 
මුලින්ම අපට හමුවෙන්නේ මල්වත්ත පාර. දන්න වගේම නොදන්න අයත් ඇතිනේ.
ඉතින් මේ මල්වත්ත පාර මොනවටද ප්‍රසිද්ධ කියලා අපි හොයලා බලමු. මේ පාර ගත්තොත්
අත්ඔරලෝසු, බෑග් සපත්තු වගේ දේවල් තමයි මේ පාරෙන් අපිට ගන්න පුළුවන්. 
සපත්තු ගැන මුලින්ම කතාකලොත් සෙරෙප්පුවේ සිට මිල අධික සන්නාමයන්ගේ
සපත්තුව දක්වා මෙහිදී ඉතා අඩු සහනදායී මිල ගණන් යටතේ ගන්න පුළුවන් හැකියාව
තියෙනවා. ඒ වගේම තමයි එහෙන් මෙහෙන් අලවලා දෙන සපත්තු සෙරෙප්පුත් නැතිවාම
නොවෙයි. ඒ වගේම තමයි බෑග්, අත් ඔරලෝසු.
ලොකු කුඩා සෑම පන්තියකටම ගැලපෙන අන්දමින් මෙහිදී මිලදී ගැනිමේ හැකියාව තිබෙනවා. ඒ වගේම තමයි සීඩී ඩීවීඩි එහෙමත් අඩුවට ගන්න පුළුවන් තැනක් තමයි මේ මල්වත්ත පාර කියන්නේ්‍. ඩීවීඩී සීඩී තොග ගන්නවානම් අඩුව රුපියල් 15 18 වගේ මිල ගණන් වල ඉඳලා ගන්න පුළුවන්. ගමේ ගඩේ රු. 50 සිට 300 දක්වා මිල ගණන් වලට අලෙවි වන සිංදු, චිත්‍රපට, සංගීත ප්‍රසංග, ගේම් වගේ ඕනෙම දෙයක් හැදෙන්නේ මේ මල්වත්තේ තමයි.
ඉතිං හරස්පාර ඊලඟ විශේෂාංගයත් සමග එකතු වෙමු. සුභ දවසක්.